បុរសមួយចំនួនអាចធ្វើឲ្យនារីស្រលាញ់ដកចិត្តមិនរួច ឯមួយចំនួនក៏ធ្វើឲ្យនារីស្អប់មិនចង់ជួបមុខ។ កាលពីថ្ងៃអាទិត្យ សារព័ត៌មាន Korea Boo របស់ប្រទេសកូរ៉េខាងត្បូងបានចុះផ្សាយពីបុរស ៦ប្រភេទដែលនារីភាគច្រើនស្អប់បំផុត តាមរយៈមតិអ្នកលេងអ៊ីនធឺណិតផ្ញើចូលបណ្ដាញសង្គម Pann។
បុរសទាំង ៦ប្រភេទមានដូចខាងក្រោម៖
១. បុរសចូលចិត្តនិយាយដូចជើងកាង៖ សំដៅលើបុរសដែលចូលចិត្តនិយាយពាក្យមិនសមរម្យ ឆ្ការដៃឆ្ការជើងដូចក្មេងពាល ហើយភាគច្រើនតែងសួរតបវិញ ជំនួសឲ្យការឆ្លើយសំនួរ។
២. បុរសចូលចិត្តសម្ញែង៖ មិនសំដៅលើទ្រព្យសម្បត្តិ ឬការនិយាយស្ដីឡើយ អាចធ្វើឲ្យនារីស្អប់ទាំងអស់។ បុរសគ្រប់រូបសុទ្ធតែមានអាកប្បកិរិយាបែបនេះ ប៉ុន្តែមិនគួរបញ្ចេញរហូតដល់ហួសកម្រិតទេ។
៣. បុរសចូលចិត្តស្បថ៖ បើស្បថម្ដងម្កាលជារឿងធម្មតា ដើម្បីដោះទាល់ពេលគេមិនជឿ ប៉ុន្តែបើប្រើពាក្យស្បថគ្រប់ឃ្លាទាំងអស់ ប្រាកដជាធ្វើឲ្យនារីម្នាក់មានអារម្មណ៍ថាធុញទ្រាន់ជាទីបំផុត។
៤. បុរសគ្មានឫកពា៖ បុរសដែលមិនចេះរៀបឫកពា មិនមើលឆ្វេងស្ដាំ ហើយចូលក្នុងចំណោមគេមិនចុះ ក៏ស្ថិតនៅក្នុងចំណោមប្រភេទមនុស្សប្រុសដែលនារីស្អប់បំផុតដែរ។
៥. បុរសគ្មានគោលដៅ៖ បុរសគ្មានគោលដៅ គ្មានក្ដីស្រមៃ ហើយរស់ប្រចាំថ្ងៃដើម្បីតែការសប្បាយផឹកស៊ីជាមួយពួកម៉ាកនោះ ប្រាកដជាគ្មាននារីណាចូលចិត្តឡើយ។ ជួបជុំមិត្តភក្ដិយូរៗម្ដងជារឿងធម្មតា ប៉ុន្តែត្រូវចំណាយពេលគិតដល់គោលដៅអនាគតជាចម្បង។
៦. បុរសទាក់ស្រីមិនរើសមុខ៖ រួសរាយរាក់ទាក់ និងការចែចង់មនុស្សស្រីម្នាក់ជារឿងខុសគ្នា។ បើមានសង្សារហើយ បែរជាចង់ទៅទាក់ទងអ្នកក្រៅទៀត បុរសម្នាក់នោះប្រាកដជាបែកសង្សារឆាប់ ហើយក្លាយជាមុខសញ្ញាដែលនារីស្អប់បំផុត។
ប្រែសម្រួល៖ គង់ វិសាល
ប្រភព៖ koreaboo
សម្រាប់សិស្សអ្នកសិក្សា 